Me, the Artists' Moo-se

Ah ken ah’m jist a wee coo, but ah’m quite famous as well. The lassie took loadsa photies o’ me lookin’ han’some, but ah huv been an artist’s model an’ a’. Ah think it’s braw that somebody thought that ah wis beautiful enough tae draw ma portrait. And whit braw portraits they are. Ah’m awfae proud o’ them.

This is ma first portrait. It catches ma best side, dis it no’? It wis painted fur the lassie tae cheer her up after she lost Dan. And ah ken it cheered her up because she showed it tae me, and telt me that it wis her pal Jo’s wee lassie that had painted it. Ah wis fair proud and cock-a-hoop at how braw the portrait was.

This is the second portrait of me. An’ this one is special. The lassie’s pal Jo made this one, an’ it’s a lino cut. So it’s no’ a paintin’. A’ they wee bits are a’ cut oot o’ a tile wi’ a wee knife, and then ma picture gets printed oan a bit o’ paper. Ye can make loads a’ the same. But ah’m unique, so there’s no many lino Hameys.

An’ this is the third, and last portrait. This is like the other yin by Jo but this time the backgroond is dark instead o’ light. Ah hud ye fooled, there, did a no’? Ah think ah’m lookin’ dapper.